Actual Novas in Interlingue

ACTUAL NOVAS IN INTERLINGUE

 

In ti rubrica vu trova novas ex tot li munde in Interlingue.

 

2015

1-im de januar: Desde li unesim de januar 2015 nu anc Lituania have li Euro quam valuta. Lituania es li 19-im state del Europan Union quel ha introductet li comun europan valuta. Nu omni baltic states Estonia, Latvia e Lituania es membres del eurozone. Estonia have li Euro ja desde li annu 2011 e Latvia sequet in li passat annu 2014.

7-im de januar: In Paris evenit in un islamistic terror-atacca. Durant li tard ante-midí islamistic terroristes ataccat li francesi satire-jurnal Charlie Hebdo. Ili fusilat deci membres del redaction del jurnal e du policistes. Charlie Hebdo es un anti-clerical magazin e hat publicat caricaturas pri li islamic profete Muhamed e li islam. Pro to li magazin devenit un scope por li islamistes.

25-im de januar: Li levul populist alliantie Syriza ganiat li electiones parlamentari in Grecia. Su chef Alexis Tsipras devenit prim-ministre.

1-im de februar: Francia devenit champion de munde in l handball in Katar. In li finale Francia victet contra li hósped Katar con 25:22.

18-im de februar: Prokipis Pavlopouos es electet quam nov presidente de Grecia in li parlament. Pavlopoulos es membre del conservativ partise Nov Democratie.

27-im de februar: Li russ politico Boris Nemzov es mortat in Moskva. Nemzov esset vice-prim-ministre de Russia e tre critical contra li presidente de Russia Vlademir Putin e su agressiv e imperialist politica contra Ucraina.