Interlingue Union


Interlingue Union

 
Li Interlingue Union (IU) es li central organisation international, quel propaga Interlingue. Li IU existe desde 1929 e currentmen have su sede in Svissia. Li Union es absolut neutral in li campes politic, religiós e altris. Til 1949 li organisation nominat Occidental-Union.

Li scope del IU es li divulgation e utilisation del Lingue International Interlingue.

Li IU es li editori organisation del revúe Cosmoglotta. Cosmoglotta es publicat duvez per annu. Por reciver Cosmoglotta ples scrir al administration del Interlingue Union.

Devenir un membre del Interlingue Union. Invia li carte de adhesion a: Erich Werner, Weidpark 3, 6280 Hochdorf, Svissia  Vu trova li carte de adhesion ci: Carte de adhesion_Vpdf.pub.pdf

Membres del Interlingue Union posse reciver gratuitmen li jurnal Cosmoglotta!

 

Documentes del Interlingue Union

 

 

Administration del Interlingue Union e contacte

  • Bedrich Plavec (Tchekia)
  • Erich Werner (Svissia)

Postconto del Interlingue Union, CH-St. Gallen, conto nró 90-58315-6

Contacte: e.werner@interlingue.org.

 

Interlingue Union invita al membritá

Articul es Cosmoglotta 218 Nró. 318 julí - decembre 2014

In li januar 2013 evenit li unesim litt incontra de Interlingue inter li activistes de Interlingue Erich Werner, Donald Gasper e Thomas Schmidt. Li discussion qualmen crear un plu activ movement de Interlingue continuat depoy. On consentit que li Interlingue-Union deve esser in li centre de un tal iniciative.


Desde li demission caus avansat etá del legendari equip de Alphonse Matejka quam redactor e Fred Lagnel quam administrator li Interlingue-Union ha concentrat se sur li publication de "COSMOGLOTTA – Oficial organ del Interlingue-Union" por mantener Interlingue visibil e vivent.


Interim, in li curse de annus li Interlingue-Union ha perdit mult membres pro alt etá o morte, ma anc ganiat un númere de abonnates de COSMOGLOTTA sin membritá. In ti situation it apare nos important prender mesuras por ne finir in un sol adressarium.


Pro to, noi peti vos revalidar vor membritá o declarar vor adherentie al Interlingue-Union.
In li actual situation situation un obligatori financial contribution al membres ne es demandat – li custas vell mult probabilmen superar li recivages. Vu troca sur li reverse li statutes del IU. Tis-ci contene anc institutiones queles es actualmen vacant, ma hay li possibilitá refundar les, si hay suficent qualificat persones.
Li membres del Interlingue-Union va automaticmen e gratuitman va reciver li digital versiones de COSMOGLOTTA (paperal vesion sur demande) e del jurnal IE-Munde. Inter li membres del IU noi intente etablisser un constant comunication con informationes pri activitás e projectes. Por devenir plu visibil, li lingue de Edgar de Wahl besona vor moral e si possibil activ suport.


Dunc ples plenar e inviar li includet carte de response o adressar un mail al administration! Vu es cordialmen invitat al membritá. Mersí por vor solidarité e vor simpatie por li lingue de Edgar de Wahl!
Ma noi ja have mult taches: Li publication del jurnal Cosmoglotta, un nov internet-págine por li Interlingue Union, li publication de libres e e-libres, discuter propostiones e far recomentatones por nov paroles, informar li publica pri Interlingue, fa Interlingue plu visibil in scientific circules e plu mult. Li nov Interlingue-Union anc va organisar incontras e congresses. Ma por realisar to, ples plenar li sequent formulare! Vu es invitat al membritá del nov Interlingue Union:
INTERLINGUE-UNION

Bedrich Plavec                                  Erich Werner
Redactor de COSMOGLOTTA            Secretario del IU