A.P. BEAUCHEMIN: FLORES DE AUTUNE
Poema original in Interlingue, Fonte: Cosmoglotta 1948, págine 78.
Al toffes quel li temp e sole rubia,
Quam un marvellos prodige del yun etá;
Con plu de lentore e plu de charm ancor,
Li flores del jardin exhibi lor color.
In su bell corb August coliat li flores,
Li jolli petales hat covrit li gazon,
Ma, vi que hodie li novi buquettes
Parfume li dies del frigidi seson.
Li tot apes joya, li ciel mem sub-ride
Vider sur li toffes, quel ne vole perir,
Li branches tot inflat del saporos fonte.
Aperter lor flores ante dever morir.
Jolli tardiv flores del proxim hiverne,
Yu have li parfum e li charm exquisit
Del bon memoroes, malgre li dur spine,
Del morit esperas e amores finit.