L. Čelakovsky: Li viageante

Traduction de R. Křešina ex ti tchec lingue dedicat a J.A. Kajš

Oh, viage tra li munde,

ú li ped se move!

Mont passat apen ... strax altri

trova se denove.

Oh, li vive sur li munde,

Prompt fugir on pensa.

Si un trist dolor nu cessa,

ci ja nov comensa.

Vi li nóbil! Ti comodmen

sicc in coche sede.

Povre detra le in pluvie

presse slamm per pede.

Ma quant noce me sur via

tal fatal mal battes?

Yo possede ya san pedes,

adplu bon sapates.

Nam hasard anc ye li nóbil

accidentes versa:

rupte rot ci, tá vehícul

mem sovent renversa.

Fin, til sta transit nor vias

med ped, med carr mobil,

un hotel va casernar nos

nóbil junt non-nóbil.