FRIEDRICH BODENSTEDT: YO AMA QUELS ME AMA!
Traductet ex li german lingue de Kurt Feder
Fonte: Cosmoglotta 1948, págine 48.
YO AMA QUELS ME AMA
Yo ama, quels me ama,
Detest', quels me detesta -
Pro to nequí me blama !
In ti custom yo resta.
Al mann fort in corage
To ci quam justi vale;
Bonage por bonage,
Li male por li male!
On ama li bravura,
Caressa guances chasta,
Li son del camp on cura -
Serpentes on aplasta.
Punir li violentie
Li debil se retene;
Al fémin li clementie,
Venja al mann convene.